Prezos para Caldea

O prezo que me acaban de dar para a entrada de Caldea o venres 2 de febreiro de 2007 pola tarde, tal e como quedamos na última reunión, é de 24 € por persoa. Os que queiran ir deberán entregar os cartos a Manuel del Río como moi tarde o último día de clase, o venres 22 de decembro.

Tarxeta Club Vallnord

Manuel Abelleira fainos chegar a súa idea de que non estaría mal facernos socios do clube vallnord. É gratuito, envíanche a tarxeta a casa e tés descontos en moitísimas tendas, na estación (os prezos xa sabemos que son enormes), en caldea e no palau de gel, no que descontan un 15 %. Podes facerte socio cubrindo un sinxelo formulario neste enderezo e consultar a listaxe de tendas onde se pode utilizar.

Caen as primeiras nevaradas en Andorra

As estacións de Andorra comezan por fin a ver caer a neve, pero non a suficiente, aínda que o sector de Ordino-Arcalís, pertencente a Vallnord, non descarta abrir pistas nas próximas horas. No remate desta semana agárdanse nevaradas máis importantes. Na foto podédes ver como está hoxe o sector de Pal-Arinsal.

Pazo de xeo de Andorra

Atendendo á suxerencia de Manuel, estamos pensando en incluír na viaxe unha sesión de patinaxe no xeo nas instalacións do pazo de xeo de Andorra, situado no pobo de Canillo. Hai unha sesión de tarde ata as 19:30, e outra de noite chamada disco-xeo, de 22:30 a 12:30!!. A entrada custa 8,20 €, ou 7,20 € se imos como grupo. Pódese consultar a lista de prezos completa premendo aquí. Enviade os vosos comentarios para dicir se preferides ir pola tarde ou pola noite á disco-xeo!

Andorra 2007: Programa e prezo por alumno

O Consello Escolar do IES Manuel García Barros da Estrada, vén de aprobar, na sesión celebrada o 21 de novembro de 2006, a viaxe a Andorra proxectada para a última semana de xaneiro de 2007, e na que participarán alumnos de 1º e 2º de bacharelato, e de 3º e 4º de E.S.O.
O programa da viaxe é o seguinte:

• 27/01/2007, sabado: saída da Estrada pola noitiña (20:00 horas aproximadamente). 14/15 horas de autobús.
• 28/01/2007, domingo: chegada a Andorra pola mañá. Recollida de material. Ingreso no hotel.
• 29/01/2007 – 2/02/2007, luns a venres: xornadas de esquí na estación PAL-ARINSAL.
• 02/02/2007, venres: saída pola tarde dende Andorra. (18:00 h. aproximadamente)
• 03/02/2007, sábado: chegada á Estrada pola mañá. (10:00 horas aproximadamente)

Prezo: 395 € por alumno.

• Inclúe:
  
  • Autobús
  • Hotel + cenas
  • Aluguer material (incluído casco)
  • Forfait 5 días
  • Clases de esquí/snow (2 horas diarias de luns a venres, de 10:00 a 12:00 h.)
  • Comidas en pistas
• Non inclúe:
  • Cena do sábado 27 (viaxe autobús ida)
  • Comida do domingo 28 (chegada a Andorra)
  • Cena do venres 2 (viaxe autobús volta)
  • Entrada a Caldea (opcional 18 €)
  • Desconto de 10 € a quen teña material.
  • Suplemento de 42 € para quen queira facer snow (material e clases)

Os datos do hotel son os seguintes:
HOTEL CASSANY***
Av. Meritxell, 28 - Andorra la VellaTel. (376) 820 636 - Fax. (376) 863 609

Esta excursión está organizada polos profesores Manuel Del Río, Álvaro P. Vilariño e Lourenzo Álvarez.